កន្លងមក ធ្លាប់មានតារាស្រីស្អាតនៅក្នុងសង្គមសិល្បៈខ្មែរ ៣ រូប បានលេចមុខលើប្រព័ន្ធផ្សព្វផ្សាយបរទេស ដោយសារតែសម្រស់ដ៏ទាក់ទាញរបស់ពូកគេ ស្របពេលដែលទីផ្សារសិល្បៈក្នុងស្រុក កំពុងបោះជំហានទៅមុខ។ ខាងក្រោមនេះ គឺជា រូបភាពតារាមួយចំនួនមានមុខលើប្រព័ន្ធផ្សព្វផ្សាយបរទេស។
១. កញ្ញា ហ៊ិន ច័ន្ទនីរ័ត្ន៖ បានបង្ហាញវត្តមានលើគេហទំព័រវៀតណាមមួយកាលពីឆ្នាំទៅ។ បណ្ដាញព័ត៌មាន Online នោះបានសរសេររៀបរាប់ដោយកោតសរសើរពីសម្រស់ស្រស់ស្អាតរបស់ពិធីការិនីរូបនេះ៕
២. កញ្ញា បេនី យ៉ាំង៖ លេចមុខលើកញ្ចក់ទូរទស្សន៍ដ៏ល្បីរបស់កូរ៉េមានឈ្មោះថា KBS ខណៈក្រុមការងារ បានចុះមកយកព័ត៌មាននៅប្រទេសកម្ពុជាតាមគម្រោង១ឆ្នាំម្ដងរបស់ពូកគេ គាប់ជួនជាពេលដែលតារាស្រីរូបនេះធ្វើខួបកំណើត៕
៣. កញ្ញា ព្រីម លីហ្សា៖ បានបង្ហាញមុខជារឿយៗលើទស្សនាវដ្ដីរបស់វៀតណាមតាមរយៈការថតបង្ហាញឈុតក្នុង។ នាងបានបញ្ជាក់ថា មាន Agency សម្រួលរាល់ការងារនៅប្រទេសវៀតណាម ដែលតែងណែនាំការងារនានា៕
អត្ថបទ៖ សំ ជំនាញ
