ករណីជម្លោះ ហឹង្សារ រវាង កញ្ញា សាសា និង លោកឧកញ៉ា សុខ ប៊ុន បានធ្វើអោយ មនុស្សជាច្រើន កំពុងមានការចាប់អារម្មណ៍ ខណៈពេលដែល សារព៍ត៌មាន ក្នុងស្រុក ល្បីៗ មួយចំនួន កំពុង តែតាមដាន រឿងនេះ ជាបន្តបន្ទាប់។ ក្នុងនោះផងដែរ សារព័ត៌មាន ក្នុងស្រុក បានចុះផ្សាយថា កញ្ញា សាសា បានដាក់ពាក្យ បណ្តឹង ទាមទារ សំណង ជំងឺចិត្ត ចំនួន ១លាន ដុល្លារ ពីលោក ឧកញ៉ា សុខ ប៊ុន ស្របពេលដែល ជនដៃដល់ រូបនេះ កំពុងតែ បានគេចខ្លូន ទៅប្រទេសក្រៅ បាត់មិនទាន់មានដំណឹង។ គួរបញ្ជាក់ផងដែរថា ករណី ផ្ទុះហឹង្សារ យ៉ាងសាហាវ មួយនេះ បានកើតឡើង កាលពីយប់ថ្ងៃទី០២ ខែកក្កដា នៅមុខវិមានកុលាបកោះពេជ្រ ហើយពេលនេះដែរ កញ្ញា សាសា កំពុងតែ សម្រាក ព្យាបាល នៅបរទេសនៅឡើយ៕
Source: KHMERNOTE
