មិនសូវចេះទំនាក់ទំនងមែនទេ? គន្លឹះទាំង៥នេះអាចជួយអ្នកបាន!
មិនថានៅកន្លែងធ្វើការ សាលារៀន សហគមន៍ ឬនៅកន្លែងណាទេ ការទំនាក់ទំនងពិតជាមានសំខាន់ខ្លាំងណាស់ ក្នុងការរស់នៅប្រចាំថ្ងៃ ព្រោះវាជាផ្នែកមួយដ៏ធំក្នុងការជំរុញឲ្យមនុស្សឆ្ពោះទៅរកគោលដៅរបស់ខ្លួនដែលចង់បាន ហើយក៏អាចនិយាយបានថាជាផ្នែកមួយនៃភាពជោគជ័យផងដែរ។ ផ្ទុយទៅវិញ ប្រសិនបើមនុស្សគ្មានទំនាក់ទំនងល្អជាមួយអ្នកដទៃទេ គេនឹងប្រឈមបញ្ហាជាច្រើនដូចជា ការរស់នៅដោយភាពឯកោ ការបាត់បង់ការងារ ការធ្វើការងារជាក្រុមដោយគ្មានប្រសិទ្ធភាព និង បញ្ហាជាច្រើនទៀត។
ដូច្នេះការពង្រឹងជំនាញទំនាក់ទំនង ត្រូវតែធ្វើឡើង ជាបន្ទាន់ ដើម្បីជៀសវាងបញ្ហាមួយចំនួនដូចបានរៀបរាប់ខាងលើ។ តើមានគន្លឹះអ្វីខ្លះក្នុងការពង្រឹងជំនាញទំនាក់ទំនងឲ្យកាន់តែប្រសើរ? យើងអាចប្រើគន្លឹះមួយចំនួនខាងក្រោម ដែលអាចពង្រឹងជំនាញនេះបាន៖
១) ការបើកចិត្តឲ្យទូលាយ
មានមនុស្សជាច្រើន មិនចូលចិត្តធ្វើការប្រាស្រ័យទាក់ទងជាមួយអ្នកជុំវិញទេ ដោយសារមិនបានបើកចិត្តឲ្យទូលាយ។ ក្នុងន័យនេះ ពួកគេមិនចូលចិត្តទទួលយកគំនិតពីអ្នកដទៃទេ ព្រោះគិតថា ខ្លួនមានគំនិត ត្រឹមត្រូវឬ ល្អជាងអ្នកដទៃ ដូច្នេះធ្វើឲ្យការទំនាក់ទំនងរបស់គេមិនមានភាពល្អប្រសើរជាមួយអ្នកជុំវិញខ្លួនទេ។ ទម្លាប់មិនបើកចិត្តឲ្យទូលាយ នឹងធ្វើឲ្យមនុស្សមិនអាចធ្វើកិច្ចការអ្វីប្រកបដោយប្រសិទ្ធភាព ឬ ជោគជ័យនោះទេ បើគ្មានការចូលរួមពីអ្នកដទៃ។ មនុស្សម្នាក់ៗត្រូវរៀនបើកចិត្តឲ្យទូលាយដើម្បីទទួលយកគំនិតពីអ្នកដទៃ បើទោះបីជាមានពេលខ្លះខុស ឬ ត្រូវក៏ដោយ ព្រោះវាជារឿងធម្មតាទេ តែអ្វីដែលសំខាន់នោះ គឺអ្នកអាចពង្រឹងការទំនាក់ទំនងរបស់យើងកាន់តែប្រសើរជាងមុន។
២) ទម្លាប់បង្កើតស្នាមញញឹម
១) ការបើកចិត្តឲ្យទូលាយ
មានមនុស្សជាច្រើន មិនចូលចិត្តធ្វើការប្រាស្រ័យទាក់ទងជាមួយអ្នកជុំវិញទេ ដោយសារមិនបានបើកចិត្តឲ្យទូលាយ។ ក្នុងន័យនេះ ពួកគេមិនចូលចិត្តទទួលយកគំនិតពីអ្នកដទៃទេ ព្រោះគិតថា ខ្លួនមានគំនិត ត្រឹមត្រូវឬ ល្អជាងអ្នកដទៃ ដូច្នេះធ្វើឲ្យការទំនាក់ទំនងរបស់គេមិនមានភាពល្អប្រសើរជាមួយអ្នកជុំវិញខ្លួនទេ។ ទម្លាប់មិនបើកចិត្តឲ្យទូលាយ នឹងធ្វើឲ្យមនុស្សមិនអាចធ្វើកិច្ចការអ្វីប្រកបដោយប្រសិទ្ធភាព ឬ ជោគជ័យនោះទេ បើគ្មានការចូលរួមពីអ្នកដទៃ។ មនុស្សម្នាក់ៗត្រូវរៀនបើកចិត្តឲ្យទូលាយដើម្បីទទួលយកគំនិតពីអ្នកដទៃ បើទោះបីជាមានពេលខ្លះខុស ឬ ត្រូវក៏ដោយ ព្រោះវាជារឿងធម្មតាទេ តែអ្វីដែលសំខាន់នោះ គឺអ្នកអាចពង្រឹងការទំនាក់ទំនងរបស់យើងកាន់តែប្រសើរជាងមុន។
២) ទម្លាប់បង្កើតស្នាមញញឹម
ស្នាមញញឹមពិតជាមានសារៈសំខាន់ខ្លាំងណាស់ ក្នុងការទំនាក់ទំនងរវាង មនុស្ស និង មនុស្ស ព្រោះវាបង្ហាញពីការស្វាគមន៍គ្នាប្រកបដោយភាតរភាព។ នៅពេលដែលមនុស្សពីរនាក់ជួបគ្នា ហើយពួកគេមិនបានញញឹមដាក់គ្នាទេនោះ ការប្រាស្រ័យទាក់ទងគ្នាប្រាកដជា កម្រនឹងកើតឡើងណាស់។ ប៉ុន្តែប្រសិនបើមាននរណាម្នាក់បញ្ចេញស្នាមញញឹមរបស់ខ្លួន ទៅកាន់ដៃគូរម្ខាងទៀតនោះ វាជាការបង្កើតភាពរាក់ទាក់ដាក់គ្នា ហើយពួកគេនឹងចាប់ផ្តើមសន្ទនាលើប្រធានបទដែលពួកគេចង់បានយ៉ាងល្អជាមិនខាន។
៣) ការស្វែងយល់អំពីដៃគូឲ្យបានច្រើន
បើសិនជា អ្នកមិនដឹងព័ត៌មានច្រើនអំពីដៃគូ ដែលអ្នកចង់ទាក់ទងទេនោះ វាពិតជាមានការលំបាក ក្នុងការធ្វើឲ្យទំនាក់ទំនងឈានទៅរកភាពវិជ្ជមាន ព្រោះនៅពេលដែលអ្នកដឹងច្រើន មានន័យថា អាចជៀសវាង ចំណុចដៃគូរម្ខាងទៀតមិនចូលចិត្ត ហើយអាចនិយាយពីចំណុចផ្សេងៗដែលគួរឲ្យពេញចិត្ត។ ក្នុងន័យនេះ វាបង្ហាញពីចំណុចទាក់ទាញមួយ ព្រោះដៃគូរម្ខាងទៀត ប្រាកដជាយល់ថា ពេញចិត្តចំពោះក្នុងការសន្ទនាជាមួយយើង។
៤) មានចំណេះដឹងគ្រប់គ្រាន់លើប្រធានបទដែលចង់ពិភាក្សា
៤) មានចំណេះដឹងគ្រប់គ្រាន់លើប្រធានបទដែលចង់ពិភាក្សា
ជាទូទៅ ក្នុងពេលធ្វើទំនាក់ទំនងផ្សេងៗ រឿងសំខាន់មួយដែលមិនអាចខ្វះបានគឺ ប្រធានបទច្បាស់លាស់មួយដែលត្រូវពិភាក្សា។ ក្នុងស្ថានភាពនេះ បើយើងមិនមានចំណេះដឹងគ្រប់គ្រាន់ ទៅលើប្រធានបទដែលចង់ពិភាក្សានោះទេ វាធ្វើឲ្យដៃគូរម្ខាងទៀតមិនពេញចិត្ត ព្រោះគេអាចគិតថា មិនគួរចំណាយពេលវេលាអត់ប្រយោជន៍ជាមួយយើងនោះទេ។ ដូច្នេះយើង មុននឹងសម្រេចពិភាក្សាជាមួយនរណាម្នាក់ យើងគួរសិក្សាស្វែងយល់អំពីប្រធានបទឲ្យបានច្បាស់លាស់ជាមុនសិន ដើម្បីបង្កើនទំនុកចិត្ត។ ការធ្វើបែបនេះ វាអាចជួយឲ្យមានទំនុកចិត្តលើខ្លួនឯង។
៥) នៅពេលធ្វើខុស ត្រូវហ៊ានសារភាព
៥) នៅពេលធ្វើខុស ត្រូវហ៊ានសារភាព
បើទោះបីជាយើង ជាមនុស្សអស្ចារ្យប៉ុណ្ណាក៏ដោយ តែអ្វីដែលសំខាន់នោះ ត្រូវហានសារភាពអំពីកំហុសរបស់ខ្លួន។ គ្មាននរណាម្នាក់ល្អគ្រប់ដប់ទេ ដូច្នេះការដែលហានសារភាព គឺវាបង្ហាញពីតម្លៃរបស់យើង ក្នុងនាមជាមនុស្សចេះទទួលខុសត្រូវម្នាក់។ ការធ្វើបែបនេះ វាអាចធ្វើឲ្យអ្នកដទៃមានទំនុកចិត្តខ្ពស់ក្នុងការធ្វើការជាមួយយើង។ វាជាចំណុចដ៏សំខាន់ ក្នុងការពង្រឹងជំនាញទំនាក់ទំនង ដែលពិតជាមិនអាចខ្វះបានឡើយ៕
ប្រែសម្រួល៖ រស្មី
ប្រភព៖ Business Insider & lifehack
