មុនឆ្នាំ ២០២៣ កម្ពុជានឹងមានបង្គោលអង់តែនទូរទស្សន៍លំដាប់ពិភពលោកឈ្មោះថា TV Tower ដែលមានកម្ពស់ ២៨៥ ម៉ែត្រ ជាមួយមជ្ឈមណ្ឌលព័ត៌មានដ៏ទំនើបមួយសម្រាប់បម្រើប្រជាពលរដ្ឋ និងបម្រើដល់ការប្រកួតកីឡា SEA Game បន្ទាប់ពីកម្ពុជាទទួលធ្វើជាម្ចាស់ផ្ទះនៅឆ្នាំ ២០២៣ ខាងមុខ។
យោងតាមសារព័ត៌មានកោះសន្តិភាពបានចុះផ្សាយព្រឹកនេះថា ការសាងសង់អង់តែនទូរទស្សន៍ TV Tower ជាមួយមជ្ឈមណ្ឌលព័ត៌មានដ៏ទំនើបជាគម្រោងរបស់ក្រុមហ៊ុន POWER CHINA KUNMING ENGINEERING CORPORATION LIMITED។
គម្រោងនេះបង្កើតឡើងក្នុងគោលដៅដើម្បីបម្រើការផ្សាយឲ្យកាន់តែទូលំទូលាយ ជាពិសេសជាការត្រៀមខ្លួនក្នុងពេលកម្ពុជាទទួលធ្វើជាម្ចាស់ផ្ទះរៀបចំព្រឹត្តិការណ៍ SEA Game 2023៕
ដោយ៖ ដារ៉ាឆានី
រូបភាព៖ ឯកឧត្តមកឹម គុណវឌ្ឍន៍/SABAYNEWS
