នៅ ថ្ងៃទី 3,ខែ August,ឆ្នាំ 2015
បាត់ដំបង ៖ គ្រោះថ្នាក់ចរាចរណ៍មួយបានកើតឡើងកាលពីវេលាម៉ោង១១និង៥០នាទីយប់ ថ្ងៃទី២ខែសីហា ឆ្នាំ២០១៥ ត្រង់ចំណុចក្បែរមន្ទីរពេទ្យវិសាលសុខ ស្ថិតក្នុងភូមិព្រែកមហាទេព សង្កាត់ស្វាយប៉ោ ក្រុងបាត់ដំបង រវាងរថយន្តដ៏ទំនើបមួយគ្រឿង ជាមួយនឹងម៉ូតូសណ្ដោងរ៉ឺម៉កដឹកទឹកកក ដែលបណ្ដាលឲ្យភាគីម៉ូតូរងរបួស ឯចំណែករថយន្តបង្កក៏មិនអាចបើកបរបានឡើយ ហើយម្យ៉ាងវិញទៀត អ្នកបើកបរដែលស្ថិតក្នុងភាពស្រវឹងក៏សមត្ថកិច្ចមិនបាននាំខ្លួនទៅវាស់កម្រិតជាតិអាល់កុលដែរ។
តាមការអះអាងពីប្រភពជាច្រើនដែលគេបានស្គាល់ច្បាស់បាននិយាយថា ដំបូងគឺមានម៉ូតូសណ្ដោងរ៉ឺម៉កមួយគ្រឿង បើកបរដឹកទឹកកកដើរលក់នៅពេលយប់ដោយបុរសវ័យចំណាស់ម្នាក់ក្នុងទិសដៅពីជើងទៅត្បូង។ លុះទៅដល់ផ្លូវបំបែកជាបួន ត្រង់ចំណុចកើតហេតុខាងលើ ខណៈដែលម៉ូតូនេះបានឆ្លងថ្នល់ជិតផុតទៅហើយ ក៏ស្រាប់តែមានរថយន្តមួយគ្រឿងម៉ាកផច់ ពណ៌ស បានបោះពួយយ៉ាងលឿនពីលិចទៅកើត ក្នុងទិសដៅខ្វែងគ្នា ហើយបានបុកទៅលើកន្ទុយរ៉ឺម៉កយ៉ាងពេញទំហឹង បណ្ដាលឲ្យម៉ូតូវិលដួលបោកទៅនឹងថ្នល់ ព្រមទាំងធ្វើឲ្យអ្នកបើកបររងរបួសយ៉ាងដំណំ ខណៈនោះដែរ គេសង្កេតឃើញរថយន្តចង់បន្តដំណើរទៅមុខទៀត ប៉ុន្តែដោយសារតែមិនអាចបើកបរបាន ព្រោះការប៉ះទង្គិចនេះវាហាក់មានសភាពធ្ងន់ធ្ងរ បណ្ដាលឲ្យកៀបកង់ជាប់។
ប្រភពច្បាស់ការបាននិយាយថា នៅពេលអ្នកបើកបររថយន្តចេញមកទើបគេស្គាល់ច្បាស់ថាគឺជាកញ្ញា សាសា ដែលទើបតែមានរឿងថ្មីៗជាមួយនឹងលោកឧកញ៉ា សុខ ប៊ុន ព្រមទាំងមានរឿងមួយទៀតដែលកញ្ញាបានបើករថយន្តបុកជាមួយនឹងបុរសជនជាតិម្នាក់នៅឯទីក្រុងភ្នំពេញ ប៉ុន្តែពេលនោះដែរ ភាគីទាំងពីរបានធ្វើការចរចាសម្រុះសម្រួលគ្នា ព្រមទាំងមានការចរចាជាមួយនឹងសមត្ថកិច្ចថែមទៀតផង ដើម្បីបញ្ចៀសនូវការនាំយករថយន្តទៅរក្សាទុក និងការនាំខ្លួនទៅវាស់កម្រិតជាតិអាល់កុល។
ទីបំផុតភាគីទាំងសងខាងក៏បានបញ្ចប់រឿង ដោយកញ្ញា សាសា ព្រមបង់លុយឲ្យចំនួន៣លានរៀល ដោយឡែកខាងសមត្ថកិច្ចយើងមិនបានដឹងថា តើត្រូវចំណាយអស់
ទីបំផុតភាគីទាំងសងខាងក៏បានបញ្ចប់រឿង ដោយកញ្ញា សាសា ព្រមបង់លុយឲ្យចំនួន៣លានរៀល ដោយឡែកខាងសមត្ថកិច្ចយើងមិនបានដឹងថា តើត្រូវចំណាយអស់
ប៉ុន្មានទៀតឡើយ បានជាគេមានសិទ្ធិចាកចេញពីកន្លែងកើតហេតុ ព្រមទាំងនាំយករថយន្តទៅជួសជុលបានយ៉ាងងាយបែបនេះ ដូច្នេះតើការបើកបរដោយមានផ្ទុកសារជាតិអាល់កុល ព្រមទាំងបានបង្កឲ្យគ្រោះថ្នាក់ដល់អ្នកដទៃអាចមានទោសដែរឬទេ? ហេតុអ្វីក៏អ្នកអនុវត្តច្បាប់មិនព្រមយកច្បាប់ទៅអនុវត្ត?
តាមសេចក្ដីរាយការណ៍មួយបានឲ្យកម្ពុជាថ្មីដឹងថា នៅមុនពេលកើតហេតុ កញ្ញា សាសា បាននាំគ្នីគ្នាប្រហែល៥នាក់ ចូលទៅផឹកស៊ីនៅក្នុងអាហារដ្ឋានមួយកន្លែងយីហោ តោពីរ លុះនៅពេលស្រវឹងទើបពួកគេបានទូរស័ព្ទទៅកក់កៅអីសាឡុងនៅក្នុងក្លិបស្តារឡាយ ក្នុងគោលបំណងទៅរាំបន្តទៀត ប៉ុន្តែខណៈដែលនារីចំនួន៣នាក់ បានចូលទៅដល់ស្តារឡាយទៅហើយ បែរជាកញ្ញា សាសា ដែលមាននារីម្នាក់ទៀតទៅជាមួយបានបើករថយន្តទៅតាមផ្លូវជាតិលេខ៥ទៅវិញ ព្រមទាំងមានការកើតរឿងនេះឡើង ដូច្នេះក្រោយពេលកើតហេតុសាឡុងដែលបានកក់ទុកនោះ ត្រូវរំសាយកម្មវិធីនេះចោលវិញ។ បច្ចុប្បន្នគេមិនបានដឹងថាកញ្ញា សាសា នាំយករថយន្តទៅជួសជុលនៅក្នុងយានដ្ឋានណាមួយឡើយ ក្នុងក្រុងបាត់ដំបងនេះ៕
