Mon, 19 October 2015
ស៊ូ វុទ្ធី
ភ្នំពេញ: ព័ត៌មានសាយភាយពេញ សង្គមខ្មែរ ពីតារាសម្តែងខ្មែរនាង សេង សូណា ហ៊ានថតរឿងសិចកំពុងក្លាយជាចំណោទសម្រាប់មហាជន ដែលលើកឡើងថា តើ សេង សូណា ពិតជាថតរឿងសិចមែនឬ?
បើហ៊ានថតបែបនេះមែន នាងមិនខ្លាចបាត់ឈ្មោះពីសិល្បៈទេអី? ប៉ុន្តែឮសំណួរនេះ ស្រីស្រស់ សេង សូណា បានវាចាតបទាំងញ័រមាត់ថា៖ «នេះហើយខ្ញុំកំពុងគេងព្រួយពីព័ត៌មានថា ខ្ញុំថតរឿងសិច ដែលខ្ញុំមិនបានដឹងអីនេះ»។
ភ្ជាប់នឹងដំណឹងធ្លាប់លេចឮថា ស្រីស្រស់និយមតែងកាយចំណាយកេរ្តិ៍ស្រ្តីលើក្រោម បង្អួតបុរសៗមិនញញើតការរិះគន់ពីគ្រប់មជ្ឈដ្ឋានថា នាង សេង សូណា ចង់ថតរឿងសិចឲ្យមហាជនបានឃើញ និងឮដំណឹងថា សេង សូណា បានចុះកុងត្រាថតរឿងសិចឲ្យផលិតកម្មក្រៅស្រុកមួយ។
ថ្មីៗមានលេចធ្លាយរូបថតស្រើបស្រាល ដែលមានរូបនាងអែនអននៅលើប្រាណបុរស ដែលរឹតតែរុញច្រានដំណឹងនាងថតសិចនោះ ផ្ទុះអណ្តែតទៅទើរលើចុងអណ្តាតមហាជនគន្លាស់ ថា សេង សូណា សម្ងំថតរឿងសិចឲ្យផលិតកម្មបរទេសមួយ។
យ៉ាងណា មហាជនក៏ហាក់បង្ហាញការព្រួយបារម្ភដល់នាង សេង សូណា ដែលបើនាងពិតជាបានថតរឿងបែបនេះមែននោះ វាសនានាងនឹងមិនល្អទេ សម្រាប់វត្តមានលើវិថី សិល្បៈខ្មែរ ផ្ទុយស្រឡះនឹងវប្បធម៌បស្ចិមប្រទេសនោះ។
តារាសម្ដែងនាង សេង សូណា។ វុទ្ធី
ប៉ុន្តែជុំវិញដំណឹងដែលកំពុងបង្កការភ្ញាក់ផ្អើលពេញពិភពសិល្បៈខ្មែរដ៏ស្រគត់ស្រគំនេះ ត្រូវបាននាង សេង សូណា បដិសេធដោយសម្ដីបែបស្លន់ស្លោថា នាងមិនបានទៅប្រព្រឹត្តទង្វើឆ្គងនឹងព្រលឹងជាតិសាសន៍ខ្លួនដល់ថ្នាក់ហ្នឹងទេ។
នាងបានលើកឡើងថា៖ «ខ្ញុំពិតជាតារាស្រ្តីខ្មែរម្នាក់ដែលមានភាពក្លាហានមែនរឿងបញ្ចេញភាពសិចស៊ី ខើចលើខើចក្រោម បញ្ចេញសាច់ដើមទ្រូងមែន តែខ្ញុំក៏នៅសល់ភាពអៀនខ្មាសក្នុងនាមជានារីខ្មែរដែរនោះ»។
ស្រីស្រស់ សេង សូណា បានប្រាប់ទៀតថា៖ «ខ្ញុំគេងមិនលក់ នៅមិនសុខ ប្រាណក៏មិនស្រណុកដែរមានព័ត៌មានថា ខ្ញុំទៅសម្ងំថតរឿងសិចនៅក្រៅប្រទេស។ មិនមែនជារឿងល្អទេ ព័ត៌មានបែបហ្នឹង ព្រោះថា វាឆ្គងនឹងប្រពៃណីខ្មែរខ្លាំងណាស់»។
បន្ថែមលើការព្រួយបារម្ភនេះ នាង បញ្ជាក់៖ «ខ្ញុំពិតជាបានចុះកុងត្រាថតឲ្យផលិតកម្មក្រៅប្រទេស ហើយមួយរយៈនេះ ខ្ញុំក៏បានទៅថតនៅក្រៅប្រទេសមែន បានជាបាត់មុខខ្ញុំពីសិល្បៈក្នុងស្រុក»។
ស្រីស្រស់សម្រស់ដើមទ្រូងធំមូលក្បំបញ្ជាក់ថា៖ «ខ្ញុំទៅថតនៅប្រទេសឥណ្ឌូនេស៊ី រយៈពេលជិតមួយខែ តែបើនិយាយពីរឿងថតនោះ សិចស៊ី មិនដល់រឿង ហនុមាន ថតនៅក្នុងស្រុកខ្មែរមុនហ្នឹងផង មានទៅថតរឿងសិចអីណា»។
បន្ថែមលើនោះ នាងក៏បានបកស្រាយពីរូបភាពស្រើបស្រាលជាមួយបុរសម្នាក់ដោយបញ្ជាក់ថា៖ «រូបនោះមិនមែនជាឈុតថតរឿងនៅឥណ្ឌូនេស៊ីទេ។វាជាកាយវិការថតផ្សព្វផ្សាយផលិតផលប៉ូវសុខភាពបុរសនៅប្រទេសថៃទេ»៕
.--------------------------------
http://www.postkhmer.com
