- មនុស្សខ្វាក់ជិះសេះខ្វាក់ យប់ជ្រៅដល់ជ្រោះធំ – លូស៊ីង
- ទឹកមួយពែង មិនអាចពន្លត់ភ្លើងធំទេ – លូស៊ីង
- ប្រើភាពអចលនាបង្រ្កាបចលនា នេះជាយុទ្ធសាស្រ្តឈ្នះសត្រូវ – ធានហ្វុង
- គួរគិតពីផលប្រយោជន៍ មិនគួរគិតតែឈ្មោះទទេនោះទេ – ធានហ្វុង
- អ្នកមានតែឈ្មោះតែគ្មានអំណាច ច្បាស់ជាវិនាស – ធានហ្វុង
- របួសជាហើយ ក៏ភ្លេចឈឺហើយមែនទេ – ធានហ្វុង
- ថ្វីត្បឹតតែខ្ញុំមានចិត្តល្អ តែខ្ញុំមិនល្ងង់ទេ - លូស៊ូ
- ទោះបីមានកំហឹងប៉ុណ្ណាក៏ដោយ បើបាត់ភាពម្ចាស់ការ វានឹងសម្លាប់ខ្លួនយើងវិញ – លូស៊ូ
- បើគិតគូរដល់នគរ រឹតតែត្រូវគិតសច្ចធម៌ហើយ – លូស៊ូ
- បើមិនប្រជែង ម៉េចនឹងអាចការពារទឹកដីបាន – លូស៊ូ
- មានអ្នកច្រៀងល្ខោន ត្រូវតែមានអ្នកមើលល្ខោន – លូស៊ូ
- មិនថាមុខរបរតូចឬធំ អ្នកណាដាក់ទុនធំ អ្នកនោះចំណេញច្រើន – លូស៊ូ
- សត្រូវ ក៏ជាមិត្តភក្តិដែរ សត្រូវស្រួលទប់ទល់ មិត្តភក្តិក៏ស្រួលទប់ទល់ដែរ តែមនុស្សដែលជាមិត្តផង ជាសត្រូវផង ពិបាកទប់ទល់ខ្លាំងណាស់ – លូស៊ូ
- សម្តីរាប់ពាន់ម៉ាត់ ក៏មិនមានប្រយោជន៍ដូចពាក្យពិតដែរ – លូស៊ូ
- អាចចាក់ទំលុះបេះដូងបាន ព្រោះតែវាជាពាក្យពិត – លូស៊ូ
- ១០ឆ្នាំមានទៅទាស់ខុសអី ខ្ញុំកើតបានក្បាលល្អមិនខ្លាចរកម្ចាស់មិនបានទេ ទោះបី៣០ឆ្នាំក៏ខ្ញុំមិនលក់ក្បាលខ្ញុំដែរ – ផានថុង
- ក្បួនទ័ពខ្លាំងពេក សត្រូវប្រាកដជាខ្លាច ក្បួនទ័ពខ្សោយពេក សត្រូវមើលងាយ ក្បួនទ័ពត្រូវតែមិនខ្លាំងមិនខ្សោយ – ផានថុង
- បើមិនយក ក៏មិនចូលដែរ បើចូលហើយ គង់តែយក – ផានថុង
- មិនចេះទទួលភ្ញៀវ សុទ្ធតែជាមនុស្សល្ងង់ខ្លៅ – ផានថុង
- បាត់បង់ស្រីម្នាក់គឺជារឿងតូច បើយើងបាត់បង់ស៊ីឆួន យើងនឹងអស់ទីជម្រក ហើយជួបនឹងគ្រោះធំទៀត –ផានថុង
- ការបន្លាចទ័ពសត្រូវ អាចបន្ថយល្បឿនវាយលុករបស់វា – ស៊ីងអ៊ី
- គ្រោះថ្នាក់នៅថ្ងៃក្រោយ តែងធំជាងគ្រោះថ្នាក់នៅថ្ងៃនេះ – ស៊ីងអ៊ី
- ចង់ឈ្នះ កុំខ្លាចចាញ់ ចង់ចូល កុំខ្លាចខាត – ស៊ីងអ៊ី
- ឪពុកមិនគោរពវិន័យ កូនប្រុសក៏មិនគោរពវិន័យ – ស៊ីងអ៊ី
- ឆ្អឹងមួយដើម ឆ្កែពីរក្បាលដណ្តើមគ្នា ឆ្កែស្គមមាត់លឿនដណ្តើមទៅបាត់ ឆ្កែមួយក្បាលទៀតម៉េចនឹងសុខចិត្តទៅ – ស៊ីងអ៊ី
- ទ័ពក្បត់ នឹងបង្កគ្រោះថ្នាក់ដល់ខ្លួនឯងវិញ – ស៊ីងអ៊ី
- បើចង់រស់នៅដោយសុខសាន្តរហូត ដាច់ខាតកុំជឿពាក្យចចាមអារ៉ាមរបស់គេឱ្យសោះ – ស៊ីងអ៊ី
- ប្រើកងទ័ពមិនប្រថុយ ម៉េចនឹងអាចយកជោគជ័យបាន – ស៊ីងអ៊ី
- មានគេទទួលស្គាល់តំណែង ល្អជាងដណ្តើមយកខេត្តក្រុងពីរបីឆ្ងាយណាស់ – ស៊ីងអ៊ី
- វិន័យមានចិត្តធម៌ ទោសមិនដាក់លើអ្នកខ្ពង់ខ្ពស់ – ស៊ីងអ៊ី
- ឱកាសប្រែប្រួលច្រើនណាស់ ម៉េចនឹងមានអាចមានសង្ឃឹមមួយរយភាគទៅ – ស៊ីងអ៊ី
- មានគុណធម៌ពេក ក្លាយជាល្ងង់ខ្លៅ ចិត្តល្អពេកក្លាយជាឡឺកឺ – ស៊ីងអ៊ី
- ល្បិចយកចចកវាយឆ្កែ មិនថាចចក ឬឆ្កែឈ្នះទេ សុទ្ធតែអាចឆ្លៀតឱកាសទៅបង្រ្កាបពេលពួកគេកំពុងប្រយុទ្ធបានទាំងអស់ – ស៊ីងអ៊ី
- បើចង់យកឈ្នះសត្រូវ ត្រូវយកសត្រូវធ្វើជាគ្រូ – ចូវអ៊ី
- អាវុធសំខាន់ជាងគេដើម្បីវាយក្រុង មិនមែនជណ្តើរទេ គឺជនបង្កប់ – ចូវអ៊ី
- អ្វីដែលគេចង់ឱ្យឯងមើលឃើញ គឺគេឱ្យឯងមើលឃើញ – ចូវអ៊ី
- បើចង់សួរគេ ត្រូវតែដឹងពីចម្លើយរបស់គេមុន ចាំសួរគេ – ចូវអ៊ី
- បើចង់សម្រេចកិច្ចការធំ មិនគួរឆេវឆាវទេ ហើយក៏មិនគួរប្រកាន់នឹងបាត់ទីក្រុងមួយដែរ – ចូវអ៊ី
- ជ័យជំនះតូចតាច មិនត្រូវក្អេងក្អាងឡើយ – ចូវអ៊ី
- ក្រុងធំគួរតែបានលើម្ចាស់ឆ្លាត – ស៊ីយ៉ូវ
- ដកថយនឹងច្របូកច្របល់ ច្របូកច្របល់ប្រាកដជាចាញ់ – ស៊ីយ៉ូវ
- ទស្សនៈល្ងង់ខ្លៅប្រាកដជាបង្កាត់ភ្លើងដុតខ្លួនឯង – ស៊ីយ៉ូវ
- មនុស្សមានឆន្ទៈខុសគ្នា – ស៊ីយ៉ូវ
- ម្ចាស់របស់ខ្ញុំ ពេលដែលល្ងង់ ល្ងង់គួរឱ្យខ្លាច តែដល់ពេលឆ្លាត គឺឆ្លាតជាងម្ចាស់ក្នុងលោកទាំងអស់ –ស៊ីយ៉ូវ
- ច្បាប់មិនតឹងរឹងគេមិនខ្លាច ដល់ដំណាក់កាលចាំបាច់កាន់តែត្រូវតឹងរឹង – ស៊ុនឈាន
- នៅក្នុងសម័យសង្រ្គាមនេះ អត់មានល្បិចច្រើន និងលាក់ពុតទេ មានតែចាញ់និងឈ្នះប៉ុណ្ណោះ –ស៊ុនឈាន
- មានតែយើងខ្លាំងខ្លួនឯងទេ ទើបអ្នកដទៃព្រមជួយយើង – ស៊ុនឈាន
- សមត្ថភាពរបស់ខ្ញុំ សុទ្ធតែចាញ់ពុកនិងបងប្រុស បើគ្រាន់តែចិត្តទូលាយ ក៏គ្មានដែរនោះ ខ្ញុំវាយយកទឹកដីម៉េចនឹងបាន – ស៊ុនឈាន
- ឱ្យតែមានស្មារតីប្រយុទ្ធ ទោះជាបាត់បង់ក្រុង ប៉ុន្មានក៏ដោយ ក៏អាចយកមកវិញបានដែរ –ស៊ុនឈាន
- គុណធម៌ សំខាន់ជាងជីវិតមនុស្សទៅទៀត – គួនអ៊ី
- បើចូលធ្វើទាហានហើយ មិនអាចល្មើសវិន័យទាហានទេ – គួនអ៊ី
- បើចង់ស្ទូចត្រីធំ ត្រូវតែដាក់នុយឱ្យធំបន្តិច – ហួងចុង
- សង្រ្គាមដែលឆាប់ឈ្នះពេក សុទ្ធតែមានល្បិច – ហួងចុង
- អ្នកក្លាហាន ស្រលាញ់អ្នកក្លាហាន – កុងស៊ុនចាង
- ចិត្តរបស់អ្នកធ្វើម្ចាស់ ត្រូវការការប្រមាថរបស់មនុស្សលោកច្រើនរាប់មិនអស់ – ចាងចាវ
- កូនប្រុសដើមទ្រូងប្រាំហាត់ វាយដល់ធំ បើមិនវាយ គឺមិនខ្លាំងទេ – ចាងហ្វី
- ម្ចាស់ល្ងង់ ចាញ់ស្រីម្នាក់ទៀត ឡើងដល់សមរភូមិប្រាកដជារាគដាក់ខោហើយ – ចាងហ្វី
- ប្រើចិត្តធម៌ យកចិត្តគេ ទង្វើរនេះមុតជាងដាវកាំបិត ១០០ដងទៀត – ចាវជឺឡុង
- កើតក្នុងសម័យសង្រ្គាម គួរតែបង្កើតទិដ្ឋភាពសង្រ្គោះរាស្រ្តចេញពីរណ្តៅទុក្ខ – ឆាវចាវ
- សណ្តែក ដុតគ្រាប់សណ្តែក សណ្តែកស្រក់ទឹកភ្នែកក្នុងឆ្នាំង កើតចេញពីឬសតែមួយដុតគ្នាដើម្បីអ្វីទៅ – ឆាវជឺ
- មនុស្សមិនអាចស្រវឹង១ពាន់ឆ្នាំ កំណាព្យល្បី១ម៉ឺនឆ្នាំ – ឆាវជឺ
- មួយជីវិតមនុស្ស រស់លើសមួយថ្ងៃក៏មិនយូរទេ ឆាប់ស្លាប់មួយថ្ងៃក៏មិនឆាប់ដែរ – ឆាវជឺ
- មានពេលខ្លះ ជក់ខ្លាំងជាងកាំបិតទៅទៀត – ឆាវភី
- ឆ្កែទាល់ច្រក ប្រាកដជាផ្លោះជញ្ជាំង – ឆិនកុង
- ត្រូវគិតពីកិច្ចការធំសិន មិនអាចប្រកាន់នឹងកំហឹងមួយពេលនោះទេ – ឆិនកុង
- ចំពោះមនុស្សស្មោះ មិនអាចប្រើកម្លាំងបាយបានទេ យើងប្រើចិត្តស្មោះពង្វក់គេទៅ – ឆិនអ៊ី
- ថ្វីត្បិតតែឧបរាជជាមន្រ្តីធំ តែក៏នៅតែជាមន្រ្តី – ឆិនអ៊ី
- អ្នកពូកែច្បាំងសម្រុងទៅមុខរហូត អ្នកពូកែគិតខ្លាចមុខខ្លាចក្រោយ – ឆិនអ៊ី
- ដើម្បីពង្រឹងអំនាច ត្រូវមានមនុស្សមិនធម្មតា ធ្វើកិច្ចការមិនធម្មតា សាងគុណសម្បត្តិមិនធម្មតា – ឆិនអ៊ី
- របស់ដែលអាចទិញបានសុទ្ធតែជារបស់ថោក – ទីប្រឹក្សាយានស៊ូ
- សាងគុណសម្បតិ្តធំមួយ ល្បីឈ្មោះតជំនាន់ – លីយូ
- កូនចៅអត់បានការ ជាចំណុចខ្សោយទីមួយ – មន្ត្រីរបស់ឆាវឆាវ
- បើសម្លាប់មនុស្សម្នាក់ គឺបាត់បង់ចិត្តមនុស្សទាំងនគរ – មន្ត្រីរបស់ឆាវឆាវ
- គ្រួសារក្រឃើញកូនកត្តញ្ញូ ប្រទេសជួបគ្រោះឃើញមន្ត្រីស្មោះ – ឆិនតុង
- ក្នុងនាមជាក្សត្រ ត្រូវនៅក្នុងរាជវាំង មិនចាំបាច់ចេញទៅច្បាំងទេ គ្រាន់តែចេះមើលមនុស្ស ថាអ្នកណាត្រូវចេញច្បាំង អ្នកណាត្រូវនៅការពារ – មន្រ្តីនគរអ៊ួយ
- ជីងចូវប្រៀបដូចជាដើមឈើមួយដើមដែលដុះលើភ្នំ ធ្លាក់ខ្យល់ខាងកើតក៏ត្រូវ ធ្លាក់ខ្យល់ខាងលិចក៏ត្រូវ បើមិនចង់ឱ្យដួលទេ ទី១ គឺត្រូវលាស់ស្លឹកស្កឹមស្កៃ ចាក់ឬសឱ្យជ្រៅ ទី២ ត្រូវបណ្តុះដើមឈើឱ្យក្លាយជាព្រៃទៀត – ម៉ាលៀង
- សម្លាប់ខ្លួនមុន ទើបកើតក្រោយ – ម៉ាស៊ូ
- បេសកជននគរធំ មិនថ្វាយបង្គំម្ចាស់នគរតូចទេ – ម៉ាស៊ូ
- ចិត្តស្មោះ និងចិត្តកត្តញ្ញូ មិនអាចបំពេញម្តងទាំងពីរបានទេ – ម្តាយស៊ីស៊ូ
- ធ្វើជាម្ចាស់របស់គេ ត្រូវមានចិត្តអត់ធ្មត់លើសពីមនុស្សធម្មតា – ម្តាយស៊ុនឈាន
- អ្នកធ្វើកិច្ចការធំ មិនប្រកាន់រឿងតូចតាច – យានស៊ូ
- កុំប្រើចិត្តមនុស្សថោកទាប មកវាយតម្លៃសុភាពបុរស – យានសាវ
- ទ័ពខ្លាំង មិនសង្កត់ម្ចាស់ – លីពូ
- ក្បួនសឹកនៅក្នុងសៀវភៅ មិនប្រាកដថាត្រូវទាំងអស់ទេ – វ៉ាងភីង
- ជួបមិត្តចាស់នៅសម័យសង្គ្រាម ពិតជាលាភធ្លាក់ពីលើមេឃមែន – វ៉ាងអ៊ីង
- បើចង់ឱ្យជោគជ័យ ត្រូវប្រើល្បិចតៗគ្នា – វ៉ាងអ៊ីង
- វត្ថុទិព្វលើលោក មិនស្ថិតលើសំបកក្រៅទេ – វ៉ាងអ៊ីង
- មនុស្សដែលអាចយកចិត្តរាស្រ្តបាន ប្រាកដជាអាចយកចិត្តទេវតាបាន – ស៊ីស៊ូ
- មុនពេលប្រយុទ្ធ ការសំខាន់គឺស្គាល់សភាពសត្រូវ បើមិនស្គាល់ច្បាស់ មិនអាចវាយបានទេ – ស៊ឺម៉ាចាវ
- សុខចិត្តហួសពេលកំណត់ ក៏មិនអាចប្រថុយនឹងគ្រោះថ្នាក់ដែរ – ស៊ឺម៉ាចាវ
- សុភាពបុរស ផ្តាច់ទំនាក់ទំនង មិនប្រើសំដីអាក្រក់ – ស៊ុនជាន
- ចំនុចដែលខុសពីតុងជួ គឺឆាវឆាវលួចជាតិ មិនទុកឈ្មោះចោរ – ស្តេចហាន
- ស្រែអ្នកមុនធ្វើ អ្នកក្រោយប្រមូលផល អ្នកប្រមូលផលកុំសប្បាយចិត្ត នៅមានអ្នកប្រមូលផលតាមក្រោយទៀត – ស្តេចហាន
- ស្តេចត្រាញ់ គឺជាអណ្តូងមួយ ក្សត្រជាអណ្តូងជ្រៅមួយ មន្រ្តីនិងប្រជារាស្រ្ត តើអ្នកណាមួយដែលមិនចង់ព័ទ្ធជុំវិញអណ្តូងជ្រៅ ទទួលបានគុណសម្បត្តិមិនចេះអស់នោះទេ – លីយាន
- ចក្រវាលវិល ប្តូរទិដ្ឋភាពថ្មី ស្តេចឡឺកឺម្នាក់ មិនអាចរារាំងបានទេ – ហួស៊ីង
- អាចការពារក៏អាចបំផ្លាញដែរ – គួកជា
- ក្បាលអាចដាច់ ជង្គង់មិនអាចលុតទេ – ហួនកុងហឹង
- ខ្ញុំមិនចង់ព្យាបាលមុខរបួសត្រូវអាវុធទេ ព្រោះពេលខ្ញុំព្យាបាលហើយ នឹងបង្កើនអាវុធកាន់តែច្រើន – ហួធួ
- ធ្វើខុសការស្មាន គ្មានការប្រុងប្រយ័ត្ន – ឆាវយិន
- ក្នុងសួនច្បារមានដើមឈើ លើដើមឈើមានរៃ រៃខំប្រឹងស្រែកចង់ផឹកទឹកសន្សើម មិនដឹងថាកណ្តូបកំពុងឱបក – កំណាព្យដែលស៊ឺម៉ាយានសូត្រ
កុំឃើញច្រើនអ៊ីចឹង ហើយគិតថាអស់នោះ មិនទាន់អស់ទេ។ ខ្ញុំមានពាក្យសម្តីដែលខ្ញុំដកស្រង់ចេញពីក្នុងរឿងប្រមាណ ជា ៤០០ឃ្លាជាង។ ការយកអ្វីពីក្នុងរឿងមកនិយាយ មើលទៅដូចជាអត់ប្រយោជន៍ តែវាអត់ប្រយោជន៍លុះណាតែយើងមិនចេះធ្វើឱ្យវាមានប្រយោជន៍។ យើងត្រូវគិតបែបនេះ សូម្បីតែអាចម៌ឆ្កែក៏គេយកទៅធ្វើជីរ មានប្រយោជន៍ ចុះទម្រាំតែរឿងសាមកុក ដែលតមករាប់ជំនាន់មកហើយ វាអត់មានប្រយោជន៍បានតាមណា? ខ្ញុំសង្ឃឹមថាអ្នកទាំងអស់គ្នា នឹងជួយចែករំលែកពាក្យសម្តីទាំងនេះទៅកាន់មិត្តភក្តិ ព្រោះមានអ្នកអានកាន់តែច្រើន កាន់តែល្អ ។ បើមានជាចម្ងល់ អាច Comment បានខាងក្រោមនេះ ឬចូលទៅកាន់ Page I Like Samkok របស់ខ្ញុំដើម្បីឆាប់ទទួលបានចម្លើយ។ សូមអរគុណសម្រាប់ការអានរបស់អ្នកទាំងអស់គ្នា។
ប្រភព៖ houtsengkea
