(ភ្នំពេញ)៖ តាមភ្នាក់ងារ Fresh News បានរាយការណ៍ថា នៅម៉ោងប្រមាណ២២៖៣០នាទីយប់ថ្ងៃទី១០ ខែកក្កដា ឆ្នាំ២០១៥ មានករណីភ្ញាក់ផ្អើលមួយ ដោយបានកើតឡើងតាមផ្លូវស៊ីសុវត្តិ ទល់មុខភោជនីយដ្ឋាន ទន្លេសាប ក្នុងសង្កាត់វត្តភ្នុំ ខណ្ឌដូនពេញ ដោយបុរស់៣នាក់ បើករថយន្តឆ្លាមពណ៌ទឹកប្រាក់ ស្លាកលេខភ្នំពេញ 2M-0593 បានបើកបុករថយន្ត ម៉ែកសដេស ពណ៌ខ្មៅ ស្លាកលេខភ្នំពេញ 2H-2959 បើកដោយបុរសជនបរទេសប្រុសស្រី២នាក់ ។
អ្នកឃើញហេតុការណ៌បាននិយាយប្រាប់ថា អ្នកបើករថយន្តឆ្លាម បន្ទាប់ពីបុកហើយមិនឈប់ទេ ព្យាយាមបើកឡានរត់តែត្រូវបានបុរសបរទេស ចុះទៅចាប់ឡាន នឹងឃាត់នៅតែមិនព្រមឈប់ទៀតទើបធ្វើឲ្យបុរសបរទេសនោះមានកំហឹង ដោយបុកហើយមិនឈប់បានដល់ កញ្ចក់ឡានខាងមុខរបស់ជនបង្ក និងដៃ បណ្តាលឲ្យបែកខ្ទេច ។ ក្រោយពីវាយហើយបុរសបរទេសមិនបានរត់ទៅណាទេ គឺនៅរកខុសរកត្រូវ នៅកន្លែងកើតហេតុ រហូតដល់ប៉ូលិសអន្តរាគមន៍៕
